家常菜就是要有家的味道，就算同一款菜式，每個家庭都可能會有不同的做法，最重要係好味。今次就想一次過分享三款肉碎菜式，材料和步驟都好簡單，而且快！靚！正！每道菜十五分鐘可以完成，超好送飯的！ 「自家版麻婆豆腐」 這一天的晚餐沒什麼胃口，就來做個撈飯一流的「自家版麻婆豆腐」。其實調味都是隨家中有什麼就隨意調整，不過還是會叫它麻婆豆腐 HAHA 剛好開爐的時候才發現蠔油用光了（有啲嬲），隨即用了DONKI買的燒肉汁加魚露，加上冰糖和生抽調味，想不到味道還要更好！超好味 ~ 喜歡辣的可以再加辣喔！ 因為愛吃到一粒粒的豆腐，所以會切大粒一點。另外這次用了超市盒裝的硬豆腐，豆味比較香，硬身一點，但又有嫩滑口感。如果用滑豆腐也絕對OK！ 材料 : 豆腐1盒 豬肉碎用了1/2盒 薑片 * 份量可自行加減 醬料 : 燒肉汁 1湯匙 魚露 1/2茶匙 冰糖 2小粒 生抽 1湯匙 老抽 1茶匙 生粉 1茶匙 麻油 隨意 TIPS : 1.可用"蠔油"取代燒肉汁+魚露。 2. 每款生抽鹹味不一樣，可稍作加減。 3. 老抽取其色澤，按喜好加入。 4. 可用其他糖，純粹個人喜愛冰糖煮肉比較香。 在 DON DON DONKI 買的燒肉汁是右邊這款，用來配搭其他調味做菜都不錯。 STEP 1 : 爆香薑片後下肉碎，中火煎香肉碎，炒至肉碎變色，可用鑊鏟弄散一點。 STEP 2 : 落醬汁 (燒肉汁、魚露、生抽、冰糖) ，中小火拌炒，再煮一陣，約兩至三分鐘。  STEP 3 : 逐少加入適量熱水（約4-5湯匙），如果鍾意多汁可以加多少少。  STEP 4 : 煮一陣至冰糖差不多溶掉，加入豆腐。豆腐容易爛，用推的方法去拌勻，至每一粒豆腐都有醬汁。 * 這個時候可以看看，如果想色澤更靚，可以加少少頭抽或老抽。 STEP 5 : 用少少水開生粉水，（ 粉會沉底）下生粉水前要再拌勻。轉細火，生粉水逐少注入鑊邊，一邊落生粉水一邊用鑊鏟輕推，煮至傑身收汁，可按喜好加少少麻油兜一兜，完成。 成個過程其實好快手，就是炒香肉碎加汁加水，再加豆腐，埋芡。 醬料加了少少魚露，香濃鮮美，不會過鹹，肉香豆腐嫩滑，超好下飯。 香菇肉燥飯