黑色世界．｡♥ ﾟ好玩唔好叫．你準備好未 ? ﾟ♥｡．2013忍叫版

話咁快就到10月 ! 萬聖節呀 !

大家去咗「迪士尼黑色世界 」未呢 ?
無論你有無諗住去玩都唔緊要 ! !
等我帶你參觀下呢個鬼地方啦 ! !

事先聲明 :
我唔會詳細透露鬼屋有咩場景架 ! !
可以放心睇啦 ! !

今年黑色世界黎個反傳新玩法

主題係【好玩  唔好叫】

挑戰大家嘅忍叫能力 ! 

超鍾意【好玩  唔好叫】呢個口號呀...好鬼正 !

驚又唔俾人叫...真係好絕呀 HAHA

不過"膽小人"玩鬼屋又點可以唔叫呢 !

話你知 :

而家呢個口號都成日喺我腦海出現 (勁入腦囉) 驚 ! !

呢個咁靚咁夢幻嘅童話世界...

一年先有一個月可以玩至夜晚十一點 ...

被黑暗勢力操控咗...氣氛同環境都大不同...

而且夜晚無咁曬...就算排隊都舒服好多架 ! 

芭比上兩年都有挑戰過「迪士尼黑色世界 」...
今年更受邀請在開幕前率先去玩 ...
就等我話俾大家知有咩新嘢啦 ! !

其實呢...原本早兩個月已經買咗件衫...
諗住配頭上這個頭飾...扮隻靚靚鬼娃娃入場...
想不到未到10月就來了...扮鬼會不會太OVER呀 ? HAHA
怕人家捉住我拍照呀...所以還是算吧啦 XD

講番正題先 ! !

回本必玩 ! 兩大鬼屋 ! 

1. 「詭墳學院」

2. 「黑色馬戲班」

首先第一時間玩咗鬼屋先 ...
「詭墳學院」係我最推薦嘅▼撞鬼好地方▲
入到「黑色世界」點都要排隊入學呀 ! !

之後立即玩埋「黑色馬戲班」

其實對於上年的鬼屋也印象模糊...
因為一入去就左閃右閃...走呀走...叫呀叫...
嚇到失魂落魄 (＞Ｏ＜)

事隔一年後...只依稀記得兩大鬼屋...
有些場景似曾相識...不過我仍然全程嚇到傻...
想我唔叫 ? 無可能囉 ! !

( 注意 : 我是【超怕鬼】的 )

芭比很喜歡看鬼片 ...覺得兩大鬼屋有啲場景...
跟某些電影情節好相似...所以更有畫面呀 >o< 

另外鬼屋的佈置都好華麗...
雖然入面黑麻麻...
不過一啲都唔馬虎架 ! !

雖然有人話【驚嚇其實不高】...
不過對於膽小的我來說...
夠哂架喇 ! 我投降喇 !忍叫失敗 !

玩完鬼屋...要舒緩下情緒...
就黎西部小鎮參加「灰熊山谷黑色嘉年華」...
玩番啲輕鬆嘢先 ( 呼一口氣) ! !

西部小鎮的居民...
精心炮製充滿西部風情的經典攤位遊戲 : 

「反轉幸運輪」/「一車即中」/「大擊搥」

不過當日試玩日攤位遊戲
仲未準備好所以無玩過呀 >O<
你地去到一定要玩呀 ! 

(好想試下「大擊搥」呀!  )

一場黎到...
黎係要影多啲相相啦 HAHA

仲有「灰熊山極速礦車」一定要玩呀 ! !

「灰熊山極速礦車」真係玩幾多次都唔悶...
突然 "倒後行  再向前衝 "果下好正呀 ! 

特別係黑暗中玩機動遊戲...
玩得可以更放更癲更開心...
重點係唔使曬...好涼爽 XD

其實 (跟過山車比較) 佢唔係話好快...
感覺就好似坐緊飛車咁 (爽) !

之後就順路去到「迷離大宅」影下相先 !!

「迷離莊園電磁廂車」又係其中一個好玩
但係唔會過份刺激嘅項目
啱哂我xd

萬聖節點少得米奇南瓜呀 !!

仲見到有好多萬聖節精品
上面呢啲實用又有節日氣氛
買俾小朋友都幾好 ♥

另外喺探險世界...
有全新嘅「黑色嘉年華『異』演」

喺特定嘅時間就有表演睇!!

唔係講笑...
果位「瘋骨妖姬」真係好鬼勁 ! !之前有套泰國鬼片叫《凶靈假期》
大家有無睇過 ? 入面啲鬼就係咁...

獨自在家寫文中...講講下有啲驚>o<

要配合番今年個主題
影張忍叫相先 xd

另外拆咗骨嘅「大頭寶寶」
都係拍照好黑點 !!

由日玩到夜...又累又肚餓...
諗住食個快餐頂下肚...
估唔到佢個雞籃好好味喎 ! !
(仲以為又乾又無味tim xd )

哈哈 ! ! 玩下靈異照先 xd






當然仲要捉住殭狼影相啦 ! !
我其實想扮驚...點解扮左花...無言............

當日由4點玩到晚上10點...已經好累呀 !!其實黑色世界仲有好多【黑點】我都未去呢 >o<喺度講埋俾大家知...等你地去到都有目標呢 ! 

我未介紹嘅【黑點】有 :

---「殭屍戰狼人」---「整鬼化粧間」---「夜光鬼魅巡遊」---「幻想世界派糖大召集」---「驚心動魄太空山」---「明日世界怪誕夜」

相信十月尾氣氛一定更好呢 ! 

好玩 唔好叫 ! !

你準備好未呀 ?

如果想感受下萬聖節氣氛 ...仲可以先看看可以下短片 ! !
( 不過膽小就搵人陪你睇喇) !! 
https://www.hkdl.hk/halloween/scream-no-more/

在Face book Page 裡會分享更多私伙好物...
好吃的☆便宜的☆新鮮的☆好玩的☆差不多每天也有更新 !
https://www.facebook.com/karenlovebarbie

找我 > Email :
karenbarbie416@yahoo.com.hk