啦啦啦 !! 真係超興奮呀 !!
話說早兩日因為工作關係...
率先黎到為朗豪坊嘅「梳乎蛋食堂」拍攝...
當然唔會錯過呢個機會 !! 自己都要瘋狂影相啦 !!
其實一知道蛋黃哥 (梳乎蛋) 會黎香港...
就已經好期待 !! 估唔到真實場景比想像中更靚 ♥
每一個hea樣造型都好正 !! 好得人鍾意呀 !!
結果我由鍾意佢↗變咗做超級鍾意佢 xd
** 雖然蛋黃哥嘅真名係 (梳乎蛋)...
不過叫慣咗好難改...以下順口用邊個名就邊個啦 !!
話說芭比喺「梳乎蛋食堂」逗留咗足足2個鐘...
絕大部分值得拍照的靚位...機本上都走唔甩...
所以今篇文章除了作為自己的記錄外...
亦希望跟大家分享一下呢 ♥
「梳乎蛋食堂」有3個主題料理 :
梳乎壽司店 / 蛋香樓 /西餅工房
走進4樓嘅「梳乎町」...
首先就被「梳乎駅」嘅車長石像吸引過去 !!
蛋黃哥個坐姿....使唔使咁梳乎呀 ? 哈哈
呢位咁特別嘅車長原來係 "梳乎蛋頭號忠粉" 黎 !!
所以呢...佢都係一樣...咁鍾意hea...
趕時間記住唔好上佢車喇 haha
而最識搵位hea嘅Gudetama車長....
就hea咗入去「梳乎列車」車箱入面 !!
今次會場仲有一個好貼心嘅服務....
就係可以擁有↘
單獨同Gudetama車長合照嘅機會 ♥
只要
在場工作人員會提供QR CODE....
只要進入「Gudetama粉絲大召集」APPS...
做個懶人測驗 ( 當然係簡單到唔簡單啦 ) ...
再LIKE朗豪坊Facebook專頁...
就可以得到專屬電子車票啦 !!
憑車票仲可以一人獨佔梳乎列車...
或者帶多三位朋友一齊入車廂...
同Gudetama車長影張hea相 !!
換領車票後車箱外會顯示你個facebook 大名 !!
不過畫面好快就會消失 !!
要影相就要準備定相機啦 !!
可以一人獨佔車箱真係好爽呀 ~ 呵呵
參加咗個遊戲...
仲有機會得到一把限量版梳乎蛋「懶人扇」...
不過數量有限...想要就早啲去了 !!
當日仲見到靚靚嘅HunterZ成員Crz (栢力芝) ♥
有靚女一齊合照畫面當堂無咁悶 haha
車尾都唔放過 !! 影番張先 !!
好 !! 去另一個hea爆景點 「梳乎壽司店」 ♥
點解...黎到梳乎蛋食堂...
我覺得自己好似去咗主題樂園咁 haha
咩都影一大餐......
看門口呢兩件玉壽司 ...
簡直由骨子裡hea出來咁款囉 !!
真係有少少唔抵得 !!
啊 !! 忘記了...
玉子係無腰骨架 !!
嘩 !! 好肥好厚嘅玉子燒三兄弟呀 ! !
我已經唔記得幾耐無瞓過晏覺...好羨慕囉 !!
細聲啲 !! 細聲啲 !! 唔好阻住人地瞓晏覺啦小姐......
啦啦啦 !! 好大個梳乎蛋飯團呀 v
食一個↗可以飽足一星期 !!
名副其實係「懶人飯團」呀 !!
三文魚籽壽司一粒粒漲卜卜 !!
好可愛好QQ呀 ♥
食一粒應該唔多覺嘅 HAHA
行前少少就是「蛋香樓」中華料理 ♥
蛋黃哥真無相處不在呀 !!
燈籠...拉麵招牌...火鍋燈箱...
都有佢個hea樣 !!
呢碗超級梳乎蛋中華拉麵大大大盛 ~
真係好引呀 !!!!!!!
不過睇見蛋黃哥嘅hea樣...
都已經飽哂喇 haha
另外仲有特大梳乎蛋布丁 ♥
甜品幾飽都食得落 !! 我唔客氣啦 !!
另一邊就有梳乎蛋鐵板炒飯 ♥
竟然攤喺鐵板上面都咁嘆...
真係hea到一個盡頭.....
唔好走住呀 !!
由於呢度嘅老闆太懶...
所以入黎嘅食客都要自行清理垃圾架 !!
當你覺得呢隻梳乎蛋被遺棄喺到好慘慘...
其實佢不知hea得幾咁爽 !!
wow !! 最後呢個係芭比最最最愛的拍照點 !!
Gudetama Bakery (西餅工房) ♥
門外仲掛咗360度旋轉的「廚師蛋」做生招牌 !!
內裡的朗豪坊10歲生日蛋糕和雞蛋布甸等正在準備中。
梳乎蛋黎嘅目的係↗慶祝朗豪坊10歲生日...
所以就準備咗呢個10歲生日蛋糕喇 ♥
你都想食 ? 自己整啦 !!!!!!!!!!!!!!
呢隻浸住蛋漿jacuzzi嘅巨型梳乎蛋...
好似嘆世界咁款...勁舒服呀 ♥
咁多隻3D梳乎蛋之中....
我就最鍾意佢 !!
實在太識享受啦 !!
我都想跳落去浸個蛋漿浴囉 >o<
另一邊仲有一個大廚房 ♥
好整齊好靚好多梳乎蛋蛋呀 !!
梳乎蛋表示 :
我唔係懶...我係唔鍾意郁.............
放過我啦 !!
我仲想HEA多陣呀 ..........
等我食咗你先 !!!!!!!!!!!
入面佈置真係好細緻 !!
連食譜都好靚好認真 !!
雞蛋布甸好可愛呀 >o<
雞蛋布甸好可愛呀 >o<
你睇我唔到 ~ 你睇我唔到 ~
旁邊仲有一部飲品販賣機 ♥ 如果真係有得買就好啦 !!
好想去蛋黃哥 Gudetama嘅主題餐廳呀 !!
其實除了那些大大隻3D 梳乎蛋 ...
周圍好多小細節都印上了梳乎蛋嘅HEA樣...
真係好有心思呀 ♥
另外 蛋黃哥(梳乎蛋) 嘅粉絲要記得上↘
朗豪坊7樓嘅Gudetama Pop-up Store參觀一下呀 !!
就算唔買嘢睇下都開心 xd
另外為慶祝朗豪坊10歲生日...
Gudetama會變身「梳乎紅雞蛋」♥
以上嘅「梳乎紅雞蛋」精品都係 "分批限定換購" 架 !!
只要喺朗豪坊買夠HK$800（最多2張即日機印單據）...
就可以加HK$40-$100換購一套啦 !!
個人覺得瓷碗/瓷碟套裝都幾靚 !!
( 換之前記得問清楚有無先呢 )
由於梳乎蛋 實在太懶...
所以都會喺"朗豪坊4樓" hea到9月6日 ...
大家有充滿時間同佢瘋狂影相呀 ♥
♥
梳乎蛋食堂/Pop-up Store開放時間：
即日起至2015年9月6日 -上午11時至晚上11時 (費免入場)
就這樣啦 !!下次見 !!
Facebook ♡ https://www.facebook.com/karenlovebarbie
Barbie Hui ( Makeup Artist｜Jewelry designer｜Writer )
歡迎 "fb inbox 或 email "查詢新娘宴會/雜誌廣告等化妝工作喔 !!
Email ♥ karenbarbie416@yahoo.com.hk ♥ karenbarbie416@gmail.com
Instagram ♥ http://instagram.com/karenbarbieyan
YouTube ♥ https://www.youtube.com/user/karenlovebarbie